Sekretari i Përgjithshëm i PD-së, Gazment Bardhi, ka reaguar përmes një postimi në rrjetet sociale lidhur me show-n e Kryeministrit Edi Rama për nisjen e atij që e konsideron si operacioni anti-KÇk.
“Edi Rama bashkëqeveris me krimin e organizuar! Ai dhe qeveria e tij nuk mund të luftojnë krimin dhe korrupsionin sepse ata jane vetë krimi dhe korrupsioni”, shkruan Bardhi, duke e shoqëruar me një listë që KÇK nuk do ti kapë, ku përfshihen oligarkët e lidhur me Ramën, vëllai i Kryeministrit, deputetë, ministra e Kryebashkiakë, ata që ka nxjerrë nga burgu për zgjedhje dhe disa miq e shokë.