Me shpejtësi mbi 150 km/ orë. Policia Rrugore ka ushtruar kontroll në aksin Tiranë-Durrës, ku ka vendosur 23 masa administrative ndaj drejtuesve të mjeteve që qarkullonin me shpejtësi nga 140 në 156 km/orë.
Kontrolli i Policisë filloi prej orës 21.00 të datës 31 janar 2020 e deri në orën 01.20 të mëngjesit të datës 1 shkurt, në të dyja kahet e lëvizjes Tiranë – Durrës – Tiranë, me radar për të parandaluar shpejtësinë tej normave të lejuara e cila është rrezik potencial për aksident rrugor.
Si rezultat u evidentuan 8 drejtues mjetesh që qarkullonin me shpejtësi nga 140 km/h deri në 156 km/h si dhe 15 drejtues mjetesh të cilët u ndëshkuan me masë administrative për shpejtësi, por këtyre të fundit pa ua hequr lejen e drejtimit.
“Mos nxitoni se në rastin më të mirë do përfundoni te Polici dhe radari dhe në destinacion do të shkoni pa patentë”, thuhet në mesazhin e policisë.
