Ish-deputetja demokrate, Nada Meçorapaj, e ka cilësuar një show të turpshëm vizitën e kryeministrit Edi Rama në spitalin e Vlorës, ku ai theksoi se sot ky standard ka përmirësuar cilësinë dhe standardet ndaj shërbimit mjekësor të qytetarëve.
Sipas ish-deputetes demokrate e vërteta qëndron ndryshe, pasi sot në spitalin e Vlorës mungojnë mjekët specialistë.
Ish-deputetja thekson se kryeministri Edi Rama ka trilluar në çdo fjalë të tij për spitalin e Vlorës, pasi e vërteta është krejt ndryshe.
Ja postimi i ish-deputetes:
Show i Ramës në Vlorë, reagon ish-deputetja Nada Meçorapaj: Çfare thote Kryeministri per Spitalin e Vlores dhe çfare thone ata qe punojne aty…
╠Me poshte keni ‘Mrekulline e Tete te Vlores’ sipas Rames, por edhe pamjen reale te Shendetesise ne qytetin tone, sipas nje mjeku vlonjat.
≡Krahasojini dhe jepini te drejte Deputetit te Pare ose Mjekut. Jo sipas simpative politike, por asaj qe keni pare vete (nese jeni nga Vlora)
█Vlora perballet me mungese te theksuar ne mjeke specialiste: nuk ka mjek laboratori, nuk ka mjek hematollog, nuk ka mjek toksikollog, nuk ka mjek infeksioniste, ka vetem nje mjek neurollog te vetem per gjithe qytetin, mjeket obseter gjinekolloge jane pothuajse te gjithe pensioniste dhe mjeket e ardhur te emeruar nga ministrja nuk mbulojne urgjencat ne spitale sepse vijne ne oren 9 dhe ikin ne oren 12.
U konstruktua Poliklinika dhe nuk u ble asnje aparature e re, grafija eshte e vjeter e dhuruar nga nje mjek i ikur ne Gjermani, ECHO kardiake ne poliklinike nuk ka, laboratori i poliklinikes i gjithi me paisje te vjetra. Ne spitale nuk ka asnje investim ne aparature vetem suva, dyer dhe lyerje me boje.
Ne reanimacion mungojne monitoret, ne sallat e operacionit veglat e SANISERVIS jane të nje cilesie shume te ulet, nuk ka mjete per larjen e duarve te kirurgeve, nuk ka krevate operatore, mungon ndricimi i sallave te operacionit, mungojne aparaturat radiollogjike ne spitale dhe ne sallat operatore…
