Presidenti Ilir Meta i ka drejtuar një thirrje të fortë partive politike për zgjidhjen e krizës.
Meta shprehet se zgjidhja e krizës së thellë politike dhe institucionale është domosdoshmëri për të frenuar ritmet dramatike të shpopullimit të vendit.
“Ndërsa, të gjithë forcat politike duhet të angazhohen me politika konkrete për t’i motivuar shqiptarët e sidomos të rinjtë për të patur mundësi më të mira të punësimit dhe karrierës këtu”, shkruan Meta në rrjet, duke iu referuar edhe një shkrimi sipas të cilit në bizneset shqiptare po punësohen shtetas nga Azia dhe Afrika, ndërkohë që shqiptarët po largohen nga vendi.
“Një vend pa rini, si një shtëpi pa fëmijë! Shqipëria meriton një të ardhme të sigurt! Të bashkohemi kundër shpopullimit! Koha po rrjedh më shpejtësi dhe nuk kthehet mbrapa.
Koha nuk pret. Ju ftoj të lexoni këtë shkrim të Monitor: Bizneset shqiptare po i zëvendësojnë vendet e punës të mbetura bosh me shtetas nga Azia dhe Afrika”, përfundon mesazhin e tij, Presidenti Meta.
