Eksperti i njohur Zef Preçi ka reaguar përmes një postimi në rrjet lidhur me qëndrimin e SPAK ndaj dosjes 184.
Preçi shkruan se për momentin SPAK ka ndaluar në “pit stop”.
“Edhe sikur SPAK të mjaftohej me shqyrtimin vetëm të kësaj dosjeje, mesazhi dhe efekti do të kishin qenë shpresëdhënëse, të paktën për të frenuar braktisjen e vendit, duke shënuar fillimin e rikthimit të shpresës.
Dëmi tashmë është bërë. Të shohim reagimin e BE dhe SHBA (nëse do të ketë një reagim të tillë) qoftë edhe për të mbrojtur investimin e tyre dhe paratë e taksapaguesve perëndimore për reformën në drejtësinë shqiptare”, shkruan Preçi.
Postimi nga Zef Preçi
PIT STOP PER SPAK-un…
Nuk zgjati vetem pak ore optimizmi dhe shpresa e opozites dhe nje pjese te mire te opinionit publik se dita e sotme do te shenohej si fillimi i fundit te “kultures se pandeshkueshmerise”.
Fjala eshte per dosjen famekeqe me Nr. 184 per problematiken elektorale te Dibrës. Raportimet tashme te konfirmuara edhe zyrtarisht nga BIRN bejne me dije se kjo “patate e nxehte” gradualisht po hidhet ne kosh sebashku me shpresen e qytetareve qe voteblerja dhe ushtrimi i ndikimit te paligjshem per qellime elektorale, (dmth korrupsioni politik dhe perfshirja e malavites ne procesin elektoral) do te fillonte te ndeshkohej.
Une nuk deshiroj te merrem me biografine e antareve te skuadres anti-korrupsion, sic ben opozita. As të mendoj me naivitet se ate qe nuk e bene per 30 vjet 360 Prokurore, do ta benin per dy jave 8 prokutoret e SPAK… Ndonese fakti qe shumica e tyre kane pase ne duar dosje te nxehta e qe ne asnje rast nuk kane mundur t’i percjellin para drejtesise personat pergjegjes le pak vend per medyshje…
Edhe sikur SPAK te mjaftohej me shqyrtimin vetem te kesaj dosjeje, mesazhi dhe efekti do te kishin qene shpresedhenese, te pakten per te frenuar braktisjen e vendit, duke shenuar fillimin e rikthimit te shpreses. Demi tashme eshte bere.
Te shohim reagimin e BE dhe SHBA (nese do te kete nje reagim te tille) qofte edhe per mbrojtur investimin e tyre dhe parate e taksapaguesve perendimore per reformen ne drejtesine shqiptare.
Per momentin, SPAKU ka ndaluar ne “pit stop”…
