Klubi i Skënderbeut ka zyrtarizuar qendërmbrojtësin, Miklovan Peres, si lojtarin më të ri të skuadrës.
28-vjeçari pjesën e parë të sezonit e luajti te Pogradeci në Kategorinë e Parë, ku dhe ishte titullar i padiskutueshëm.
Gjatë karrierës së tij futbollistike, veç ekipit të vendlindjes, është aktivizuar edhe te Sopoti dhe Turbina.
Në lidhje më këtë transferim, Ilir Daja, në një intervistë për “Panorama Sport” e ka quajtur firmën me Pere-n si të domosdoshme pasi në këtë repart alternativat ishin të pakta.
“Duke parë problemet që kemi pasur në këtë repart në pjesën e parë të kampionatit me dëmtimin e Turtullit dhe mungesën e lojtarëve si Pëllumbi, tani kemi vendosur që të bëjmë afrimin e Miklovan Peres, pasi nuk duam që të kemi një repart të cunguar, por të kemi alternativa dhe pozicione të dubluara”.– ka thënë trajneri Daja.
