Policia e Durrësit ka arrestuar dy persona pasi akuzohen si përgjegjës për vdekjen e 62-vjeçarit Thoma Ruçi, i cili u rrëzua aksidentalisht nga një pallat në ndërtim mbrëmjen e djeshme dhe gjeti vdekjen e menjëhershme. (Lexo këtu)
Ai punonte si roje në atë objekt që ndodhet në zonën e Currilave në Durrës.
Personat e arrestuar janë shtetasit A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin.
Sipas policisë këta shtetas akuzohen për shkelje të rregullave në punë dhe rrezikojnë të dënohen deri në 10 vjet burg.
Materialet i kaluan Prokurorisë së Rrethit Gjyqësor Durrës, për veprën penale “Shkelja e rregullave të mbrojtjes në punë”.
