Nga Boldnews.al
Kur ka kaluar në Parlament paketa “anti-shpifje” e hartuar e gjitha nga duart e përlyera jo vetëm me bojë të kryeministrit Rama, tashmë mbetet edhe një punë për të bërë. Burgu i Spaçit, i ngritur për të mbajtur në izolim të plotë të burgosurit politik të sistemit komunist edhe mund të hapet sërish, jo për të shërbyer si muze, por për të dënuar çdokënd që prek qeverinë.
Agjitacioni dhe propaganda kundër shtetit është kthyer në një lloj forme me ligjin e ri “anti-shpifje”. Për të përcaktuar se çfarë është shpifje do jetë një bord qeveritar i përfaqësuar nga AMA dhe AKEP të cilët për çdo lajm që nuk i pëlqen kryeministrit, deputetëve dhe zyrtarëve Rilindas do marrin masë ndaj medias sociale që do e publikojnë.
Hapat e parë janë mbyllja e medias dhe gjobitja e saj. Më pas nuk përjashtohet aspak mundësia që të kalojnë në ndjekje penale gazetarët për shpifje, kjo gjithnjë duke e parashtruar nga entet shtetërore se lajmi i publikuar “cenon” sigurinë kombëtare”, e madje mund të të bëjnë edhe për “përhapje terrorizmi”.
Në rastin hipotetik, që nuk do jetë aspak çudi të bëhet realitet, kryeministri Edi Rama së përi do të bëjë disa kronika televizive, të gatuara aq “bukur” në ERTV dhe më pas të transmetuar edhe në mediat “prestigjioze”, ku televizionet tona do e japin si kronikë të parë. “Kryeministri Edi Rama sheh nga afër punimet në burgun e Spaçit”-mund të jetë një kronikë. “Punimet cilësore ‘garantojnë’ komoditetin e nevojshëm për të burgosurit” -mund të jetë një tjetër reportazh.
E në këtë shfaqje të parë e riparo disa herë nuk mund të mungojë as Erion Veliaj i Bashkisë Tiranë, që kohët e fundit sa për të mbuluar aferat e tmerrshme duket sikur është kthyer në “bojaxhiun e natës” së Edi Ramës.
Deri në këtë pikë ka arritur propaganda shtetërore, e cila tashmë synon që të mbyllë çdo hapësirë të krijuar nga liria e medias. Së pari synohet që të izolohet çdo zë kritik në denoncimin e korrupsionit qeveritar, lidhjet e politikës me krimin dhe aferat e rënda korruptive me PPP-të.
Për këdo media dhe gazetar që vendos të denoncoje, publikojë dhe paraqesë në mediumet sociale një aferë qeveritare, më e paketa është gjoba, mbyllja e portalit dhe më pas nuk përjashtohet mundësia që kjo minidiktaturë të arrijë deri në burgosje, me një regjim të ngjashëm të Erdoganizmit dhe Putinizmit.
