Kryeministri Edi Rama nuk i ndahet Kryebashkiakut të Tiranës. Pasi i kërkoi të dalë në orën 04:30 që të lyente shkallët e shkarravitura të një pallati te banesat sociale, mbrëmjen e sotme i kërkoi të rregullonte një kanal në Kodër-Vishnje.
Nuk dihet nëse Veliaj do të veshë çizmet dhe do t’i bashkohet punonjësve të kanalizimeve për të rregulluar kanalin, por kohët e fundit Rama nuk po kursen batutat në drejtim të Kryebashkiakut, që shfaqet si djale i urtë dhe i dëgjueshëm në sytë e “shefit”.
Dialog me Veliajn
Rama: Ore këtë kanalin do ta rregulloni apo jo? Ça bëni kështu me? Po çështë ky kanal
Veliaj: Fillimisht bëmë shtëpinë njëherë që të fusnim kokën, pastaj kanalin
Rama: Jo pastaj, nesër
Veliaj: Po, po, por fillimisht shtëpinë njëherë…
Rama: Erion, kanalin, mos harro
Veliaj: Po, po. Kam dhe ca punë të tjera unë, por shyqyr që s’i pea to. S’i vure re ato.
Rama: Këtë vura re unë.
