Debati për shembjen e banesave nga tërmeti i 26 nëntorit, ka bërë që Dashamir Shehi të pranojë se ndërtimet e pa legalizuara janë bërë për politikë.
I ftuar në emisionin “360 gradë” Shehi i ndan në dy kategori. Sipas tij, shtëpitë në fshat dhe zonat periferike janë ndërtuar për vota, ndërsa pallatet janë ndërtuar për korrupsion.
Dashamir Shehi: Ai fshatari që ka bërë shtëpi në kënetë e ka bërë pa lejë, pa kriter në shkëmbim të votës. Gjysma e periferisë së Tiranës, Durrësit etj është ndërtuar për votë. Është mbyllur syri sepse këto janë votat tona. Sigurisht brenda votës ka edhe një komponent social
Brahim Shima: Jo vetëm që janë bërë për votë por ne i kemi dhënë edhe kolaudimin që kjo të quhet e banueshme.
Dashamir Shehi: Kjo është historia për një pjesë të madhe të ndërtimeve pa leje. Pallatet e larta janë bërë për pare, janë direkt produkt i korrupsionit. E njëjta gjë ndodh edhe për Durrësin. /Oranews/
