Ish-deputetja e PD-së, Dhurata Çupi, përmes një postimi në rrjet ka sjellë në vëmendje situatën në Shijak, që sipas saj është goditur jo vetëm nga tërmeti i 26 nëntorit, por edhe nga ai i qeverisë.
Çupi shkruan se 20 pallate, ku në çdo pallat janë 20 familje, do të shenben, por banorëve nuk u është dhënë asnjë informacion.
“Në Shijak, ku tërmeti nuk është ndjerë vetëm si fatekeqësi natyrore, pasi këtu vazhdon edhe tërmeti qeverisë.
20 pallate të dëmtuara dhe që do të shemben me nga 20 familje për pallat. 400 shtëpi për t’u shembur. Asnjë informacion çfarë do të behet me këto familje.
Qeveria që dërgon faturat e energjisë elektrike, ujit, taksat vendore, dhe sigurimet shoqërore pranë bizneseve si në situatë normale.
Ndarjet e ndihmave preferenciale sipas përkatësisë politike. Kjo është situata në Shijak dhe në çdo qytet që i preku tërmeti. Besimin zero te qeveria, dhe pa shpresë për zgjidhje.
Propozimet e Partisë Demokratike për lehtësirat fiskale të biznesit në këtë periudhë dhe 5 pikat konkrete është shpresa e afërt e qytetarëve të Shijakut”, shkruan ish-deputetja.
