Forcat Speciale RENEA dhe ato të FNSH, me mbështetjen edhe të Policisë së Shkodrës, vijojnë kontrollet në këtë qytet për kapjen e personave të shpallur në kërkim dhe me rrezikshmëri të lartë.
Ndonëse ende nuk ka një njoftim zyrtar mbi rezultatet e operacionit, raportohet se janë shoqëruar 20 persona, mes të cilëve edhe 3 balerinë dhe 1 klient i lokalit, ndërsa janë sekuestruar sasi të vogla lëndësh narkotike.
Forcat speciale po ushtrojnë kontroll në lagjen Kiras, ndërsa gjatë mbrëmjes së djeshme kontrolli përfshiu atë të Licëve.
Aksioni i forcave speciale nisi mbrëmjen e djeshme dhe gjatë natës është ushtruar kontroll në disa klube nate, si dhe janë ngritur postoblloqe në pikat hyrëse dhe dalëse të qytetit.
