Premier League/ Arsenali pret “të plagosurit” e City-t, Man.United ndaj Everton

Luhen sot tre takime në kuadër të javës së 17-të të Premier Ligës.

Në fushë zbresin “peshat e rënda”, aty ku kryendeshja e javës në Angli, është ajo mes Arsenalit dhe Manchester City.

Ndërsa një provë të vështirë ka edhe Manchester United, të cilët presin në “Old Trafford” Evertoni-n. Luan edhe Tottenham-i i Mourinhos teksa udhëtojnë në transfertën e Wolves.

Manchester City vjen në këtë ndeshje pas një ecurie mjaft negative në kampionat ku në 5 ndeshjet e fundit kanë marrë 2 fitore, 2 humbje dhe 1 barazim ndërsa diferenca me Liverpoolin, aktualisht është në 17 pikë, ndërsa janë edhe pas Leicester të vendit të dytë.

LEXO EDHE  Fenerbahce interesohet për portierin shqiptar

Ndërsa nga ana tjetër, Arsenali gjendet poshtë në vendin e nëntë, edhe ata në një situatë kaotike, kombinuar rezultatet dhe problemet në menaxhim, ku çështja e trajnerit mbetet ende për tu zgjidhur.