RENEA dhe FNSH kanë vijuar kontrollet edhe gjatë natës në Shkodër, në kuadër të një operacioni për kapjen e personave me rrezikshmëri të lartë.
Sikundër raportohet në orët e para të mëngjesit, është shoqëruar menazheri i një lokali, si dhe 3 vajza që punonin si balerina. Gjithashtu u shoqërua edhe një klient i lokalit.
Raportohet se policia ka sekuestrua disa doza lënde narkotike në lokalin në fjalë.
Ndërkohë që në pikat hyrëse dhe dalëse të qytetit ishin ngritur postoblloqe nga forcat speciale, ku janë kontrolluar disa automjete.
Operacioni i RENEA dhe FNSH nisi në orët e vona të pasdites së djeshme, ku u ndaluan 3 persona.
Të tre personat udhëtonin me një automjet tip ‘Mitsubishi’ me ngjyrë blu.
Një prej të ndaluarve është kushëri i Barush Bregut, i cili u arrestua nga RENEA në zonën e Komunës së Parisit në 4 Maj të këtij viti, i dënuar më 4 vite burg për kultivim të kanabisit dhe armëmbajtje paleje.
Këta persona dyshohet se kanë qënë në kërkim nga DVP Shkodër. Gjithashtu nga kontrollet e ushtruara në zonën e Shkodrës është ndaluar dhe një tjetër person, Xhemiljano Ndou të cilit pas kontrollit iu gjet lëndë narkotike.
