Liverpooli ka arritur fitoren e tetë radhazi në kampionatin anglez.
Një ndeshje që u mendua e lehtë në letër, por nuk rezultoi ashtu pasi “The Reds” vuajtën për të marrë tre pikët ndaj vendit të fundit të Watford.
Të dy golat e fitores u shënuan nga Mohamed Salah, teksa ndeshjen e zhbllokoi në minutën e 38-të me anë të një kundërsulmi që pati për protagonistë Firminho-Mane dhe autorin e golit Salah.
Ndërsa goli i cili vulosi dhe ndeshjen erdhi në fundin e saj, ku Salah i doli një top i papritur dhe me mjeshtëri e dërgoi në rrjetë.
Me këtë fitore, Liverpooli e thellon me 11 pikë diferencën me Leicesterin e vendit të dytë ndërsa me City-n ndodhet 17 pikë avantazh.
