Skuadra e Chelsea është mposhtur nga Bournemouthi me rezultatin 0-1, në kuadër të javës së 17-të Të Premier Ligë.
Momenti më kryesor i ndeshjes ishte në minutën e 84-të, atëherë kur Dan Gosling shënoi golin e vetëm të takimit.
“Blutë” pas rezultateve shumë pozitive pak javë më parë, papritur e shohin veten në krizë totale, ku në 5 ndeshjet e fundit në kampionat regjistrojnë katër humbje.
Ndërkohë pas tetë fitoreve radhazi është ndalur dhe Leicester në shtëpi ndaj Norwich. Në fakt Norwich kaloi e para në avantazh në minutën e 26-të, ndërsa në të 38-n, falë një autogoli të Krul, shifrat u barazuan për të mos ndryshuar deri në fundin e lojës.
