Në pamjet direkt gjatë ndeshjes mes Bayern Munich dhe Tottenham, dëmtimi i Kingsley Coman u duk i rëndë. Të njëjtat përshtypje kishin edhe zyrtarët e klubit pas përfundimit të ndeshjes.
Por pas testeve mjekësore të specializuara, bavarezët marrin një lajm të mirë, pasi lëndimi i mesfushorit është më i lehtë nga sa ishte parashikuar.
Coman ka dëmtuar kupën e gjurit, por nuk ka thyerje.
Gjithsesi, francezi do të qëndrojë jashtë fushës nga katër deri në gjashtë javë për t’u rikuperuar plotësisht.
