Zlatan Ibrahimovich ka dhënë një intervistë për revistën “GQ”, ku ndër të tjera u pyet për talentin francez, Kylian Mbappe.
Sulmuesi suedez foli me lëvdata për sulmuesin e PSG-së, të cilin nuk e arriti dot në kohën kur luante për PSG-në, pasi në atë kohë Mbappe luante për Monacon.
“Ai bën diferencën. Është akoma i ri dhe shpresojmë që të vazhdojë të punojë fort. Pavarësisht moshës, ai që tani është një yll në futboll. Shpresoj që ta mbajë këtë uri që ka dhe të vazhdojë të luajë me po të njëjtin pasion, në këtë mënyrë mund të përmirësohet dhe të arrijë gjëra të mëdha. Për ta bërë këtë duhet ta mbajë kokën ulur, gjë që jo gjithmonë është e lehtë”.
Ndërsa i pyetur për lojtarin e preferuar në historinë e futbollit, si gjithmonë përgjigja e tij është Ronaldo Nazario.
“Në kohën kur luante ai, të gjithë përpiqeshin ta kopjonin. më parë i shihja ndeshjet e tij të përsëritura, por nuk e bëj më këtë gjë. Ndërsa për sa i përket futbollistit të preferuar aktualisht për mua është ndoshta Mbappe, i cili dallon mbi të gjithë”. – shtoi shtatlarti.
