Analisti dhe gazetari Armand Shkullazi tha se tërmeti i 26 Nëntorit zbuloi të paktën tre krime shtetërore. I ftuar në studion e emisionit “Opinion”, Shkullaku tha se në një pallat që u shemb në Thumanë dhe në Kavalishencën në Durrës, tërmeti që ra dy muaj më parë shkaktoi dëmtime që u injoruan nga strukturat shtetërore, edhe pse këto të fundit ishin në dijeni për dëmet. Në këto godina më pas, si pasojë e tërmetit të 26 Nëntorit, pati humbje jetësh. Skandali i tretë, deklaroi Shkullau, ishte moskrijimi i agjencisë për emergjencat civile.
I pyetur për takimet e Ramës në familjet e prekura nga tërmeti, Shkullaku u shpreh: “Për herë të parë ndodh të shkosh për ngushëllim live. Më e rëndësishme sesa show është arsyeja pse ndodh dhe pasojat që mund të sjellë. E para është shmangja nga çdo lloj debati e përgjegjësive ligjore”.
- “Ka përgjegjësi shtetërore Thumana, pas tërmetit të 27 shtatorët zëvendëskryeministri Erion Braçe ka thënë se i ka lajmëruar banorët se pallati ka qenë i pabanueshëm. Është skandal që banorët të strehohen në një godinë që është shpallur e pabanueshme. Shkresa që e zbulon këtë nuk zbulohet. Ky është një krim shtetëror.
- E dyta Kavalishenca. Pas tërmetit të shtatorit, një raport i është drejtuar Ministrisë së Brendshme që thotë se godina ka marrë dëmtime dhe ka rrezik që nga rënia e tullave mund të shkaktohen viktima. Asgjë masë nuk u mor. Një person që ishte brenda godinës humbi jetën.
- E treta është moskrijimi i agjencisë për emergjencat civile. Ekipet e shpëtimit nuk kishin kamera teknike. Vetëm pas tre ditësh u gjetën kamerat teknike që i ishin dhuruar shtetit shqiptar nga NATO. Pas tre ditësh i zbuluan se i kishin në magazina. Ndërkohë Veliaj pas tërmetit bleu katër zjarrfikësve dhe një tender pa garë”, tha Shkullaku.
“Për të mos u ndaluar te këto ne shikojmë cirkun e kryeministrit. Të gjithë ne po merremi me protagonizmin e Ramës, që thotë po të mos isha unë ca do bënit ju. Skandalozë! Ne duhet të kemi struktura shtetërore, jo të varemi te njishi”, shtoi ai.
