Guardia di Finanza e Barit ka nisur një operacion të madh ndaj një grupi personash të dyshuar për trafik droge e armësh nga Shqipëria.
Të gjithë personat e dyshuar janë rezidentë në Bari Vecchia. Raportohet se janë të paktën 20 persona të përfshirë në hetim.
Hetimi është i koordinuar nga Drejtoria Distriktuale Antimafia e Barit.
Në rreth 24 muaj janë sekuestruar tonelata marijuanë, pistoleta dhe automatikë.
Detajet e operacionit do të bëhen të ditura gjatë ditës së sotme në një konferencë shtypi në Prokurorinë e Barit.