Ambasada e SHBA në Tiranë ka publikuar një tjetër video lidhur me funksionimin e SPAK.
Në mesazhin që përcjell ambasada, thuhet se SPAK, me t’u ngritur do të shënjestrojë korrupsionin e nivelit të lartë.
Ambasada amerikane në Tiranë ka publikuar një video që tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.
“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.
Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë.
Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.
#ShqiperiaLuftonKorrupsionin #NdalKorrupsionit’, thuhet në një reagim të ambasadës së SHBA në Tiranë.
Ndërkohë, video e publikuar është shoqëruar me komente të shumta të qytetarëve, që shprehin mos besim. Një prej komentuesve, e krahason video e publikuar me ato të filmave hollivudianë, ndërsa një tjetër komentues pyet me ironi “vërtet besoni se do të funksionojë më mënyrë të pavarur”.
