Sapo u mbyllën ndeshjet e orës 19:00, të vlefshme për raundin e fundit të fazës së grupeve.
Në grupin E, bie në sy eliminimi i Lacios e cila u mund 2-0 nga Rennes.
Duhet thënë që kualifikimi i ekipit italian, ishte i komplikuar pasi jo vetëm që duhej të fitonte ndaj Rennes, por gjithashtu Celtic-u i kualifikuar, duhej të fitonte ndaj Cluj. Por asnjë nga këto skenarë nuk u realizua, pasi edhe skuadra skoceze u mund me rezultatin 2-0. Në këtë grup u kualifikua Celtic si e para e grupit ndërsa në vendin e dytë CFR Cluj.
Ndërkohë në grupin F, me fat skuadra e Arsenalit e cila barazoi në transfertë 2-2 ndaj Standard Liege.
“Topcinjtë” dolën fitimtar të grupit, falë një surprize të minutave të fundit nga skuadra portugeze, Guimares.
Portugezët mundën Eintracht Frankfurt me rezultatin 2-3. Frankfurti deri në minutën e 84-t po kryesonte 2-1 dhe njëkohësisht ishte në kryesimin e grupit, por dy gola të Guimares në të 85-n dhe 87-n përmbysën gjithçka duke i lënë kryesimin e grupit Arsenalit, ndërsa Eintrachti i Frankfurtit kaloi në vendin e dytë.
