Berisha e quajti Donika Avdyli/ Ibrahimi reagon për takimin e Vatë Stakës me Prelën

KLP emëroi sot përkohësisht Donika Prelën në Prokurorinë e Tiranës. Një ditë më parë ajo pati një takim me anëtarin e KLP-së, Vatë Staka.

Ndërkohë ish-kryeministri Sali Berisha e quajti Donika Avdyli.

“Një kafe para emërimit. Donika Avdyli me anëtarin e Kunat KLP!”, shkruan Berisha.

Por lidhur me foton që u publikua dje, Kreu i KLP-së, tha se nuk ka asnjë mister, pasi Prela dhe Vatë Staka, njihen.

“Jo, s’ka ndonjë mister aq më teper që zotëria është prokuror, ata njihen, takohen, sot nuk është marrë vendim personal për zonjën në fjalë, për asnjërin nga prokurorët, por vendim në bllok për të sistemuar brenda sistemit këta prokurorë”, tha Ibrahimi.

LEXO EDHE  FOTO/ "Kur studentët bashkohen, gjithçka është e mundur"

Donika Prela u caktua sot nga KLP në Prokurorinë e Shkallës së Parë në Tiranë.

I pyetur sepse Prela nuk shkoi në Durrës, por mori emërimin në Tiranë, Ibrahimi bëri një shpjegim, duke e lidhur këtë me institucionet e karrierës.

“Prokuroria e Krimeve të Rënda ishte një institucion karriere dhe pavarësisht se ligjërisht ajo e Tiranës nuk trajtohet si e tillë, prapë shihet si një institucion karriere, dhe kjo ♪7shtë arsyeja që janë marrë vendime të tilla, dhe përveç kësaj edhe fakti se në Tiranë ka më shumë volum dhe nevojë për prokurorët, për shkak të dinamikave dhe zhvillimeve”, tha Ibrahimi.