Tonin Vocaj përballet me Vetting-un, ja sa banesa ka zyrtari i lartë i policisë

Drejtori i Departamentit të Policisë Kriminale në Policinë e Shtetit, Tonin Vocaj, u përball sot me Komisionin e Jashtëm të Vlerësimit në kuadër të vetting-ut që ka nisur për uniformat blu.

KJV bëri të ditur se vettingu për Vocajn përfshin të trija kriteret: atë të pasurisë, pastërtisë së figurës dhe aftësive profesionale.

Lidhur me pasurinë, rezulton se Tonin Vocaj ka deklaruar apartament 69 m katror, në bashkëpronësi me bashkëshorten, nënën dhe vajzën. Apartamenti është blerë me kredi në vlerën e 1 mln lekëve, marrë me statusin e të pastrehut.

Gjithashtu, Vocaj ka një apartament me sipërfaqe 42.10 m katron në Kajavë, i blerë me kredi dhe kursime familjare.

LEXO EDHE  Parashikimi i motit për ditën e sotme, ja sa do të jenë temperaturat

Apartamenti i dytë, i blerë në Golem me vlerën e 15 mijë eurove, nga të cilat 5 mijë euro i ka marrë borxh te të afërmit e tij. Tre muaj pas shlyerjes së pagesës së apartamentit, Vocaj ka marrë një kredi për shlyerjen e borxhit.

Vocaj zotëron edhe një tokë bujqësore në Lezhë, pjesërisht e hipotekuar, me një vlerë prej 2 mln lekësh.

Zyrtari i policisë ka një zotërim një mjet tip Benz, i blerë në 2013 në vlerën e 3 mijë euro.