Mediat e huaja vijojnë të shkruajnë për tërmetin me magnitudë 6.4 të shkallës Rihter që goditi Shqipërinë mëngjesin e 26 nëntorit, duke shkaktuar 52 viktima dhe qindra të plagosur.
Gazeta qipriote In Cyprus shkruan se trupat shqiptare, të pajisura keq, shpëtuan të mbijetuarit nga rrënojat e ndërtesave, që i gërmuan ndonjëherë me duar të zhveshura, derisa 250 trupa nga vendet evropiane dhe Shtetet e Bashkuara u erdhën në ndihmë të tyre.
“Një ekip inxhinierësh civilë ka shkuar në Shqipëri për të ndihmuar në inspektimin e ndërtesave në vazhdën e një tërmeti shkatërrues që vrau 52 dhe çoi në dëmtimin e më shumë se 2000.
Tërmeti me madhësi 6.4, më i forti i regjistruar në Shqipëri, la shumë ndërtesa të shkatërrura. Ekipi nga Shoqata e Inxhinierëve të Ndërtimit të Qipros u përgjigj me një thirrje përmes Dhomës Teknike, Ministrisë së Jashtme dhe Mbrojtjes Civile. Ata kishin marrë pjesë në një program trajnimi të organizuar nga shoqata vitin e kaluar.
Shoqata shprehu ngushëllimet e saj për familjet e viktimave.
E vendosur përgjatë deteve Adriatik dhe Jonit midis Greqisë dhe Malit të Zi, Shqipëria është e prirur për veprimtari sizmike. Ky tërmet ishte më vdekjeprurja në Shqipëri; numri më i lartë i mëparshëm ishte në 1979 kur një tërmet vrau 40 njerëz”, shkruan gazeta qipriote.
