Nga Boldnews.al
Mendja e kryeministrit punon në anë të kundërt me “akrepat e orës”. Pikëpyetjet në kokën e tij janë: Ku do jem nesër, sa orë do shfaqem në TV, po ndonjë grua që të më puthë duart e do e gjej? Po ndonjë xhaxha për të lëshuar ndonjë batutat a do ma sigurojnë?
Për të gjitha këto mendon kryebashkiaku i Shijakut, djali i Rilindjes, mjeshtri i lidhjeve me botën e errët të krimit dhe shoku i Gjushit, idhtar i Ramës, Elton Arbana.
“Prit të të puth duart”-tha një e moshuar me vetullat tatuazh në Shijak, e cila vijoi: “Se më kë futur gocën në punë. Jam shumë mirënjohëse. Kishte një fëmijë jetim, por kam shumë besim tek ju. E di që nuk keni çfarë të bëni sepse kjo është një gjë e natyrës,”– tha ajo dhe i puthi dorën. –“Të të përqafoj një herë”-u shpreh plot lumturi një tjetër grua. Gjithçka sipas skenarit, por një qen zevzek, që leh mbi të panjohur dhe thonë edhe në njerëz me shpirtin e zi, nisi të bëjë punën që di.
Këtu Ramës i erdhi në shteg: “Hiqe mor atë analist, fute mrena analistin se na myti. Hiqe mor. Fute mrena,”- tha Rama dhe filloi të ecte, ndërkohë që nga i zoti i qenit nuk mori përgjigje.
Ata që e shoqëronin nisën të qeshin, mes tyre edhe kryebashkiaku Arbana, ah çfarë batute, ky është i madh.
Në krahët e tij gati paralel, mbante kryebashkiakun e Shijakut Elton Arbana. Ai është zgjedhur me votimet e 30 qershorit, atë qëmtoi Rilindja, e gjeti mu bash e në mesin e “djalnisë së Shijakut”, si çun që njeh shoqninë, di ku bën ndere, e për më shumë di me kë rri…
Në dosjen 339, Arbana shfaqet në atë kohë shef i Tatim-Taksave në Shijak ku del në përgjimet telefonike me Astrit Avdylajn, i arrestuar për trafik ndërkombëtar të lëndëve narkotike dhe i dënuar më parë për akuzën e vrasjes. Më poshtë biseda e publikuar në prestigjiozen gjermane “Bild”.
Astrit Avdulaj: Ore ka shkuar në fermën e Sukthit duke vënë gjoba. Se Gjushi nuk është këtu. Është me Edin në Zvicër. Se ska me ca me ashtu…
Elton Arbana: Ke ndonjë emër konkret?
Astrit Avdylaj: Kujt? I ke vënë në fermë thuaj. Bëre gabim, se nuk e kam Gjushin këtu, a më kupton?
Elton Arbana: Ja ta marr tani direkt
Astrit Avdylaj: Dhe thuaj po vepron gabim o pis. Se s’dua ta marr vetë.
Në këtë bisedë kuptohet se një nga drejtuesit e Tatim-Taksave kishte vendosur një gjobë në një fermë në Sukth dhe për këtë “akt administrativ”, Avdylaj u nevrikos, duke telefonuar Arbanën (çerrin e partisë) që ta zgjidhte këtë punë. E pikërisht për këtë korrikulum të pasur, Arbana sot është kryebashkiak i Shijakut. Është kryebashkiaku që sot qesh dhe lumturohet kur Rama i quan analistët qen.
Ama “pitbulli, dobërmani dhe bulldogu” janë aty pranë, ecin me të dhe kafshojnë votat e qytetarëve, lidhen me botën e errët të krimit, japin para publike e bëjnë ndere drejtuesve të krimit të organizuar. Kjo është Rilindja e Edi Ramës!
