Fifi dhe Eneda Tarifa ishin dy pretendentet kryesore për të fituar edicionin e 21 të “Këngës Magjike”, mirëpo Eneda u shpall fituesja e çmimit të parë ndërkohë i gjithë publiku po brohoriste emrin e Fifit.
Fitorja e saj u komentua gjatë në media dhe të shumtë ishin ata që mendonin se ajo nuk e meritonte fitoren.
“Pse nuk fitove ti por ajo sorra?” i shkruan dikush Fifit gjatë një videoje live, ndërsa këngëtarja s’ja ka përtuar përgjigjen.
“Ajo sorra ka emër, e ka emrin Eneda Tarifa, ka pas një këngë shumë të bukur, po mos të më kishte pëlqyer nuk do i kisha dhënë 30 pikë. Jam shumë e lumtur që ka fituar Eneda dhe jo dikush tjetër.”- është shprehur Fifi, siç mund ta dëgjoni në videon e ruajtur nga “Blitz.al”.
Këngëtarja me anë të asaj përgjigje ndaj fansit ka lënë të kuptohet se ajo nuk i mban asnjë mëri Enedës, siç u përfol gjatë në rrjet.
