Instituti i Vjenës: Investimet e huaja, Shqipëria dhe Kosova në vendet e fundit

Shqipëria është një prej vendeve që ka peshën më të vogël të Europës në investimet e huaja direkte, vetëm 53.9% të totalit në vitin 2018, sipas të dhënave më të fundit të publikuara nga Instituti i Vjenës për Studime Ekonomike Ndërkombëtare.

Kosova dhe më pas Mali i Zi janë të vetmet vende në pozita më të këqija se Shqipëria, veç Bjellorusisë, ndër vendet e Europës qendrore dhe lindore dhe juglindore thonë të dhënat e publikuara nga instituti i Vienës (Wiiw).

Pozicionimi i Shqipërisë ndër vendet që kanë prezencë të ulët të Bashkimit Europian në stokun e investimeve të tyre të huaja direkte, vjen kryesisht si rrjedhojë e faktit që projekti më i madh në volum në vendin tonë, gazsjellësi trans-adriatik është i regjistruar si konsorcium në Zvicër, vend i cili nuk është pjesë e Bashkimit Europian.

LEXO EDHE  ‘Do ta dhj*s më keq...’/ Lali Erin e lënë nervat kur gazetari e pyet për hallet e qytetarëve (Video)

Në vitin 2015 norma e prezencës së Bashkimit Europian në stokun total të investimeve të huaja direkte në vendin tonë fiksohej në 66%. Kosova nga ana tjetër mban rekordin mes të gjithave vendeve të analizuara për prezencën më të ulët europiane në investimet e huaja në vend, me vetëm 37%.

Për vende si Polonia, Rumania, Bullgaria, apo edhe Serbia apo Maqedonia e veriut, norma ngjitet në mbi 70%, 80% apo edhe 90%, thonë të dhënat e Institutit të Vjenës /Scantv.