Fyen gjuhën shqipe/ Arben Plaku: Cakaj duhet burgosur, por burgim më i gjatë duhet për atë që e vendosi

Ministri i Jashtëm në detyrë, Gent Cakaj, pothuajse në ccdo fjalim të tij, shfaq probleme të theksuara me gjuhën shqipe.

Edhe pse Kryeministri Edi Rama, i cili ka emëruar Cakajn në krye të diplomacisë, shpeshherë i pëlqen të thumbojë kritikët e tij në lidhje me përdorimin e shqipes, në rastin e të preferuarit të tij, duhet të verë duart në kokë ose të shkulë mjekrën, me shqipen e ministrit të preferuar.

Shqipja e deformuar e Cakajt është evidentuar edhe nga Arben Plaku, i cili në një postim në rrjet shprehet se me vetëm 8 fjalë shqipe, me një renditje të pakuptimtë fjalësh, ky duhet burgosur për fyerje ndaj gjuhës shqipe dhe për fyerje ndaj trurit të vet.

LEXO EDHE  Kryebashkiaku i PS u kap duke konsumuar drogë/ Çupi: Do të denoncojmë çdo krim

Plaku në vijim shprehet se burgim më të gjatë për tallje të dinjitetit shtetëror për atë që e vendosi në atë post.

“Prej 26 fjalëve të ministrit të jashtëm shqiptar drejtuar bashkëkombasve të vet, rrjedhojnë prej gjuhës shqipe vetëm:

Një lidhëse (dhe)
Një parafjalë (mbi, dy herë)
Një nyje para emrit(të,dy herë)
Një folje(ruan)
Një mbiemër(mbresëlënës)
Dy emra(ecurinë-qeverisjes)
Një pjesëz mohuese para pjesores(pa)…”, shkruan Plaku në një postim në rrjet, duke publikuar edhe një nga fjalitë e artikuluara nga ministri Cakaj.