Ish-kreu i Arkivës, Kastriot Dervishi ka reaguar pas deklaratës së ish-ministrit të Tregtisë së Brendshme në vitet 1982-1990, Osman Murati, në lidhje me shkrimtarin Agron Tufa, i cili u largua jashtë vendit për të kërkuar azil politik, ndërsa deklaroi se është kërcënuar me jetë.
Përmes një statusi në “Facebook”, Murati u shpreh se është i gatshëm ta qëllojë me plumb në kokë Tufën nëse gjykata e dënon me vdekje.
Dervishi ka ironizuar deklaratën e Muratit, ndërsa shpreh se ish-ministri e ka fshirë postimin në rrjetet sociale, pasi është penduar.
Ish-kreu i Arkivës shprehet se Murati nuk di të shkruajë gjuhën shqipe. Me ironi, Dervishi shkruan se ëndrra e Muratit ka qenë të vrasë një armik, por gjatë kësaj kohe s’ka gjetur kë të vrasë.
Sipas Dervishit, Murati e ka djalin zyrtar në Ministrinë e Brendshme, ndaj ka nisur “luftë virtuale” ndaj Tufës.
Reagimi i plotë:
Ëndrra e vjetër e kufitarit osman murati, vrasja e Agron Tufës
79-vjeçari Osman Murati, ish ministër i Tregtisë së Brendshme në vitet 1982-1990, kohës së kolerës kur populli ushqehej me triska, muajt e mbetur të kësaj jete i mbush përditë në fb me lëvdata për terroristin enver hoxha, lakejtë e pushtetit të tij dhe me sharje pafund ndaj “armikut të klasës”. Veç ta shohësh si shkruan, gjithë gabime gjuhe. 😂😂😂Zaten ky kallëp na ka qeverisur. Asnjë fjali nuk e hedh dot si duhet. Osmonja mbahet mend për proponimin tejet interesant që kafja të zëvendësohej nga elbi. Deri aty i shkonte marria. Osmonja kishte pasion të bëhej oficer kufiri e të vriste “diversantë”. E kuptoi shpejt se kjo punë kishte privacione dhe e la shkollën 3-vjeçare në vitin e dytë të saj “për arsye shëndetësore”. Mirëpo gjithë jetën ëndërroi për të vrarë një “armik” me plumb e nuk gjeti. Dje zgjodhi të vrasë Agron Tufën teksa hodhi postimin bashkëlidhur, një tekst terrorist, ordiner e banal, tipik për llojin e tyre. E kuptoi gafën dhe e hoqi shpejt. Osmonja lufton me “armikun” virtualisht, ndërsa djali i tij, bekimi është drejtor në një agjenci në varësi të Ministrisë së Brendshme ku nuk bëhet asgjë. Sigurisht edhe ky “rilindi” më 2013. Nga do ngjajë tjetër?
DENONCO