Rikthehet Superliga, Tirana sfidon Kukësin, Partizani në transfertën e Bylisit

Superliga Shqiptare rikthehet të luajë javën e saj të 14-të, ku ditën e sotme luhen tre takime.

Gjithçka fillon në orën 13:30, aty ku Partizani luan në transfertë ne Bylisit, ndërsa Luftëtari i Gjirokastrës pret në shtëpi Vllazninë.

Ndërsa kryendeshja e javës është ajo mes Tiranës dhe Kukësit në “Selman Stërmasi”, në orën 16:30.

Në prag të kësaj sfide, trajneri i bardhebluve, Julian Ahmataj foli për mediat. Ai u shpreh se skuadra është në gjendje të mirë, ndërsa tha se përballja ndaj Kukësit duhet fituar.

“Gjendja e skuadrës është e mirë. Problemet si të tërmetit kanë kaluar, por besoj që kemi punuar shumë këto kohë. Kemi vënë disa gjëra në rrugën e duhur dhe shpresojmë t’i marrim benefitet kësaj pune të bërë. Unë s’mendoj se Tirana s’ka qenë ndonjëherë favorite. Për ne është ndeshje e radhës që duhet fituar si çdo ndeshje e kampionatit. Për ne vlen 3 pikë, jo më shumë se aq”, tha Ahmataj.

Ndërsa duke folur për objektivat e Tiranës këtë sezon ai deklaron:

“Nuk e vë fare në dyshim objektivin për titull kampion. Besoj se ne do shkojmë përpara për të shkuar te titulli. Se sa do të arrijmë, ne kemi për detyrë të japim maksimumin si unë, ashtu edhe lojtarët sepse ne nuk kemi rezultatin në dorë. Pas atij maksimumi kemi mundësi t’i marrim ndeshjet”, tha ndër të tjera trajneri.

LEXO EDHE  Ndeshja e bamirësisë, Sindikata zbulon shifrën e mbledhur nga aktiviteti