Mëngjesin e 26 nëntorit, Shqipëria u godit nga një tërmet i fuqishëm që shkaktoi 51 viktima dhe qindra të plagosur. Ndër zonat më të prekura në vend ishin edhe ato të Durrësit, ku godina u shembën dhe të tjera u shpallën të pabanueshme.
Prej ditësh ka vijuar shembja e objekteve të banimit që kërcënojnë jetën e banorëve dhe aktualisht, përgjatë ditës së sotme ka vazhduar procesi i pastrimit të inerteve, pamje këto që sigurohen me dron. Inertet që po pastrohen në zonën e plazhit në Durrës do të grumbullohen në Porto Romano.
