Lukaku reagon ndaj “Corriere Dello Sport”: “Titulli më idiot që kam parë”

Reagimet mbi hapjen e artikullit të “Corriere Dello Sport” vazhdojnë, me Lukakun që e cilëson si titulli më “idiot që ka parë”.

Artikulli i ditës së djeshme kishte si qëllim vlerësimin dhe të jepte një mesazh anti-racist duke përdorur emrat e Lukakut dhe Smalling si ndër yjet kryesor për ndeshjen e ditës së sotme.

Por vendosja e titullit “E premtja e zezë”, hasi kundërshtime dhe dënim në mbarë Italinë e më gjerë.

Në postimin e Lukakut të bërë në instagram, ai shkruan:

“Në vend që të përqëndroheni te përballja mes dy skuadrave, “Corriere dello Sport” del me një nga titujt më idiot që kamë parë në karrierën time. Ju djema, vetëm shtoni negativitet dhe racizëm në vend që të flisni për ndeshjen e bukur që do të luhet midis këtyre dy skuadrave në ‘San Siro’. Ju djemtë e ‘Corriere dello Sport’ duhet të bëni diçka më të mirë se kaq. Faleminderit të gjithë tifozëve dhe gazetarëve për mbështetjen e dhënë dhe le të presim ndeshjen e nesërme”. 

LEXO EDHE  Vendim historik nga UEFA, heq rregullin e “Fair Play Financiar”