Sipas raportimeve të mediave spanjolle, agjenti i Ousmane Demble ka mbajtur takime me skuadrat angleze, Manchester City dhe Chelsea për të arritur një marrëveshje për sulmuesin francez.
Dembele, nuk ka pasur aspak sukses në “Camp Nou” që kur u transferua nga Dortmundi në verën e vitit 2017.
Ndërsa tashmë, seritë e gjata të dëmtimeve, si dhe dyshimet për përkushtimin e tij ndaj sportit, kanë bërë që Barcelona të dëgjojë ofertat për 22-vjeçarin. – raporton “El Desmarque”.
Skuadra e Manchester City-t, aktualisht po kërkon një zëvendësues për Leroy Sane i cili është i dëmtuar, ndërsa edhe Chelsea është i interesuar për Dembele, ku sipas mediave angleze së bashku me francezin një objektiv tjetër është dhe Jadon Sancho.
Vlera në treg e Dembeles llogaritet në 80 milionë paundë.
