Kryeministri Edi Rama deklaroi në një nga mbledhjet e ditëve të fundit të qeverisë se nuk do të bliheshin makina luksoze, madje as oredi për zyrat e Kryebashkiakëve. Rama tha se kryebashkiakët po të donin të lëviznin me kuaj se kështu i bënte edhe më mirë.
Deklaratat e Ramës u bënë në kuadrin e shkurtimit të shpenzimeve nga drejtuesit e 61 bashkive pas tërmetit 6.4 të shkallës Rihter që goditi vendin, i cili shkaktoi 51 viktima, disa qindra të lënduar dhe nxorri jashtë funksionit një shifër të konsiderueshme godinash.
Por, Agron Duka, kreu i PAA-së, në aleancë me PD-në e Lulzim Bashës, përmes një postimi në rrjet ka ironizuar Ramën.
Duka duke kujtuar shpenzimet e luksit të qeverisë Rama, thotë se paratë e shqiptarëve u bënë rrush e kumbulla.
“Tërmeti është një fenomen natyror, hipokrizia jo! Shteti më i varfër në Europë ka luksin të bëjë rrush e kumbulla taksat e qytetarëve. Secila prej makinave mund të ishte një banesë e re për të prekurit nga tërmeti. Fatkeqesisht, sot janë një monument me rrota i babëzisë që termeti nxori në pah!”, shkruan Duka.
DENONCO