Nga Luçiano Boçi
Ministrja Shahini belbëzoi sot keq datat rrëmujë për rifillimin e vitit shkollor, në zonat e prekura nga tërmeti, a thua çelësi magjik i përballimit të tërmetit ishte tek datat.
Dalja e pritshme e saj nuk solli asgjë të re, përpos dëshmoi paaftësinë dhe papërgjeshmërinë totale të qeverisë Rama.
Madje ministrja nuk dinte asgjë. Asgjë fare.
As sa shkolla ishin dëmtuar dhe ku.
As se sa shkolla duhet të riparohen dhe si.
As dhe sa janë dhe ku janë kapacitetet pritëse.
Asnjë masë nga kjo ministri për 4800 fëmijë, të cilët mbartin mbi supet e tyre një tragjedi me përmasa të frikshme.
Po a janë në vete këta?!!!
Si ka mundësi të dalë ministrja me 100 media dhe të mos thotë as një fjalë për atë çka duhet të bëjë me fëmijët, madje dhe me mësuesit e traumatizuar?!
Liston ca data dhe kaq. U zgjidh problemi.
Dihet që nxënësit janë pjesa më e goditur psikologjikisht dhe urgjentisht duhej nje grup pune, i cili në rakordim me DA-të të bënte evidentimin emër për emër të nxënësve të prekur nga tragjedia.
Të merrte adresat e reja.
Të kontaktonte familjet.
Të orientonte dërgimin në shkollën më të afërt.
Të atashonte një numër të konsiderueshëm psikologësh pranë këtyre shkollave, me kontratë ose vullnetarë në rakordim me Urdhërin e psikologut, sepse ky shërbim sot është zero.
Të mbështesë financiarisht shkollat e zonave të dëmtuara që mësimi të jetë deri në orën 16.00, me shërbim të plotë ushqimor dhe studimor, pasi nxënësve u mungon ambienti i dikurshëm i shtëpisë.
Fëmijët kanë nevojë për ngrohtësi e socializim të shtuar.
Si mund të lihen në mëshirë të fatit këta nxënës?!!
Për çfarë trasporti të siguruar flet ministrja, kur këtë ka kohë që ia refuzojnë dhe mësuesve e jo më fëmijëve?!
A jeni në vete zoti Kryeministër dhe zonja Ministre?!!!
