Katër shqiptarë, dy banorë në Prato dhe dy në Monsummano, u arrestuan mëngjesin e sotëm nga policia e Pistoia, pasi akuzohen për disa grabitje të ndodhura nga shkurti i këtij viti deri më sot në provincat e Prato, Firence, Pistoia dhe Pisa.
Arrestimet u kryhen me urdhër të prokurorisë, ndërsa të arrestuarit janë: vëllezërit Ernest dhe Brigel Sheu, të moshës 31 dhe 35 vjeç, që banojnë në Prato, Eri Bibaj, 32 vjeç, dhe Roland Zyba, 25 vjeç, ky i fundit me vendbanim në Monsummano.
Bibaj ishte i vetmi që u arrestua dhe u gjet në shtëpinë e tij, ndërsa tre të tjerët ndodheshin në burg, pasi ishin arrestuar më parë për vepra të tjera.
Sipas mediave, 4 shqiptarët akuzohen se janë autorë të vjedhjes të një Opel Corsa, ngjarje e ndodhur më 25 maj. Rreth 1 muaj më pas, më 20 qershor, ata grabitën nje Audi Q5. Ndërkohë në Serravalle Pistoiese ata grabitën banesën e një pensionisti, ku morrën shuma monetare dhe bizhuteri.
Më 18 korrik një tjetër vjedhje shtëpie, këtë herë në Monsummano, ku vodhën para dhe bizhuteri nga një tregtar, si dhe një Audi A4. Në mbrëmjen e 20 korrikut, ata hynë në shtëpinë e një sipërmarrësi të tekstileve nga Prato dhe morën para e bizhu argjendi.
Më 27 korrik ata “goditen” në Calenzano, ku vodhën shtëpinë e një pensionisti duke marre para dhe tre orë dore. Të nesërmen, 28 korrik, ata shkuan në Orciano Pisano, ku grabitën një shqiptar, te cilit i moren para dhe bizhuteri. E fundit ishte 29 korrik në Santa Maria a Monte, ku vodhën një Audi Q3 nga një tregtar.
