Shumë klube të Superligës Shqiptare, duke filluar nga Tirana dhe Partizani, kanë qenë aktive për t’i ardhur në ndihmë familjeve të prekura nga tërmeti.
Skënderbeu është njëri prej tyre, me klubin korçar që ka vendosur të dhurojë të gjithë fitimet e ndeshjes së javës së 15-të ndaj Vllaznisë.
“Klubi i Futbollit “Skënderbeu” ka vendosur të dhurojë të gjitha fitimet e ndeshjes të javës së 15-të ndaj Vllaznisë në ndihmë të familjeve të prekura nga tërmeti i datës 26 nëntor. Bëjmë thirrje tifozëve bardhekuq dhe komunitetit sportdashës të ndihmojnë dhe kontribuojnë sadopak për familjet e prekura nga kjo fatkeqësi natyrore”.
“Detajet e shitjes së biletave do të publikohen një moment të 2-të! Të gjithë bashkë #përShqipërinë,”- njofton klubi korçar.
