Kryeministri Edi Rama në mbledhjen e jashtëzakonshme të qeverisë ka shprehur kritika në drejtim të Ministrisë së Brendshme lidhur me krimin kibernetik.
Rama tha se ka evidentuar dobësi të papranueshme në Ministrinë e Brendshme, kundër krimt kibernetik.
“Zero kapacitete, për të reaguar ndaj lajmeve të rreme, për mashtrime, racizmin. Zero reagim ndaj sulmeve kibernetike. Duhet mbajtur shënim. Të jetë parasysh forcimi eksponencial i luftës ndaj krimit kibernetik”, tha Rama.
Një tjetër pikë ku ai shfaqi kritika ishin emisionet, që sipas tij organizohen me “personazhe delirante dhe kthehen në kacafytje”.
“Debate politike që në këto ditë në debate surreale me delirantësh, që marrin pjesë në to dhe japin opinione bazuar në konotacionet e antikitetit romakë dhe realitetit.
I kam parë sintezat e këtyre debateve dhe jam i mahnitur nga mungesa e mirëkuptimit të këtyre moderatorëve për të pushuar për një moment nga veshët dhe sytë. Pastaj vjen pazari i kacafytjeve nëpër studio. Pa folur pastaj për shërbimit skandaloz që i bëhet ankth dhe pasigurisë. Aspekte të tjera janë disproporcionale. Megjithatë, kjo është puna e tyre”, tha Rama.
Pas tërmetit të 26 nëntorit mediat kanë evidentuar shumë probleme përsa i takon situatës së krijuar, duke denoncuar veçanërisht problemet me shpërndarjen e ndihmave për të prekurit nga tërmeti.
