Tërmeti famëkeq që tronditi Shqipërinë mëngjesin e 26 nëntorit përveçse u mori jetën 50 personave la dhe shumë të tjerë të pastrehë. Shtëpitë e tyre u shembën dhe nuk u ka ngelur gjë , ata tashmë janë në qiell të hapur ,pa një strehë të sigurt, pa veshmbathje dhe pa ushqime.
Shumë persona kanë dhuruar para, ndihma ushqimore apo rroba për të prekurit nga tërmeti.
Një grua e moshuar, ka shkuar ditën e djeshme pranë qendrave në Tiranë ku po mblidhen ndihma për të prekurit nga tërmeti dhe me aq sa ka pasur mundësi ka ndihmuar. E moshuara, e cila jetonte krejt e vetme, ka dhënë gjithçka që kishte të mbetur në shtëpi.
“Jam pensioniste, nuk kam të holla t’i jepja se jam vetëm. Nuk kam njeri tjetër, kam kokën time. Kam dy batanije, katër palë xhinse, dy bluza, një shall për dimër edhe një mbulesë.”- ka thënë ajo. Gjesti i saj fisnik dhe bujar shërben si shembull për të gjithë.
