VIDEO/ Lëkundjet e tërmetit, dëmtohet edhe godina e spitalit. Vendoset perimetri i sigurisë

Tërmeti i fundit me magnitudë 5.1 të shkallës Rihter, epiqendra e të cilit ishte në Detin Adriatik, ka dëmtuar edhe godinën e spitalit të Durrësit.

Pak sekonda pas lëkundjes së fortë, personeli mjekësor, por edhe pacientët, kanë dalë jashtë mjediseve të spitalit.

Në video shihet se si hyrja e spitalit ka marrë dëmtime të konsiderueshme, ndërsa qytetarët të traumatizuar vijojnë të shkojnë në spital për të marrë ndihmën.

LEXO EDHE  Tabaku akuza Ramës: Qeveria e oligarkëve i ka borxh biznesit 70 mld lekë

Policia ka vendosur në spital perimetrin e sigurisë, por pavarësisht kësaj mjekët vazhdojnë punën. Ndërkohë pacientët që ndodhen në këtë spital po transportohen drejt maternitetit.

Ndërkohë video e mëposhtme tregon dëmtimet që pa pësuar urgjenca në Durrës, ndërsa pacientët largohen me shpejtësi, sapo përfundojnë lëkundjet.