Një tjetër person i pajetë është nxjerrë në këto momente nga gërmadhat e një pallati 8-katësh në Thumanë, pas më shumë se 24 orësh kërkime. Ende nuk dihet identiteti i tij, por viktima është dërguar drejt morgut.
Ekipet e shpëtimit vazhdojnë ende punën, pasi disa persona të tjerë janë ende nën rrënojat e ndërtesave të shembura.
Ndërkohë që në spitalin e Traumës, nuk ka mundur që ti shpëtojë dot plagëve të marra 25 vjeçari Saimir Gregu, i cili u shpëtua dje nga gërmadhat.
25-vjeçari është djali i Pëllumb dhe Çelike Gregut, të cilët u bënë të njohur për mediat nga ulërimat e motrës së Pëllumbit. Pëllumbi dhe Çelikja ndodhen akoma nën gërmadha.
Kështu shënohet viktima e 26 nga ky tërmet i fuqishëm që ka lënë pas shumë dëme materiale dhe mbi 650 persona të plagosur.
