Pas tërmetit të frikshëm të mengjesit të së martës, i cili shkaktoi viktima (deri tani 31), Shërbimi i Emergjencave Civile në vendin tonë ngriti duart drejt qiellit duke u treguar thuajse i mundur para një katastrofe të tillë natyrore.
Çdo kush e vuri re se sa të papregatitur dhe pa sofistikuar në pajisje ishin ekipet tona, madje, as që mund të krahasoheshin me ekipet që ardhën në ndihmë nga Kosova apo nga Italia e shtete të tjera fqinje.
Por pse jemi ne në një situatë të tillë? Pse nuk kemi as një qen të stërvitur për të shpëtuar jetë njerëzish? Aranita Brahaj nga Open Data Albania thotë se fondet për këtë qëllim jepen, jo pak por 1.11 milionë dollarë, por qen nuk ka.
“Qen që nuhat njerëz nën rrënoja tërmeti nuk kishim. Rroftë qeni që erdhi nga Kosova. Ama me Thesarin tonë kemi vite që majmim qen për ushqim e trajnim qeni. Urdhëro 1.11 milion USD pagesa nga taksat tona për qen. Këta KÇK dhe me lugën e qenit” – shkruan ajo në Facebook.
