Shembet plotësisht vila në Durrës, dyshohet se ndodheshin 8 persona nën rrënoja

Një vilë në Durrës, në zonën e Kënetës ku ishin 8 persona, mes të cilëve të mitur, u shkatërrua plotësisht pak minuta më parë.

Ndërtesa ishte dëmtuar si pasojë e tërmetit të fortë që goditi vendin në orën 04:00 të mëngjesit të sotëm.

LEXO EDHE  Nën hetim në Holandë, SPAK kërkon sekuestrimin e pasurive të familjarëve të 5 personave

Nga raportimet, nën rrënoja fillimisht ishin 9 persona, por një trup i pajetë u nxorr disa minuta më parë.

Deri pak minuta më parë, forcat e kërkim shpëtimit e kishin të pamundur ndërhyrjen për të shpëtuar jetët e njerëzve që dëgjoheshin teksa kërkonin ndihmë.