Nëntë pjesëtarë të një familjeje ndodhen nën rrënoja, pasi banesa e tyre në zonën e Kënetës, në Durrës, është shembur.
Bëhet fjalë për banesën e familjes Lala, ndërsa ministrja e Energjisë dhe Infrastrukturës, Belinda Balluku, ka bërë të ditur se vijon operacioni për shpëtimin e tyre.
“Familja Lala, 9 anëtarë nën rrënoja. Nuk e dimë nëse të 9 anëtarët ndodhen brenda në banesë. Banesa është e shkatërruar, unë jam vetë këtu. Po bëjmë gjithçka për të shpëtuar jetë njerëzish.”-tha Balluku.
Ndërkohë është raportuar se deri më tani 20 persona janë nxjerrë të gjallë nga ekipet e shpëtimit të cilët ishin zënë nga rrënojat e banesave të shembura nga tërmeti.
