SPAK, KLP çel procedurën për zgjedhjen e kryetarit/ Ja si do të bëhet vlerësimi dhe pikëzimi…

Këshilli i Lartë i Prokurorisë ka çelur sot procedurën për zgjedhjen e drejtuesit të SPAK, ndërsa 8 prokurorët e parë të këtij institucioni do të betohen më 19 dhjetor para Presidentit të Republikës, datë që shënon edhe nisjen zyrtare të punës.

Gjatë mbledhjes së KLP ka pasur diskutime mbi mënyrën se si do të bëhet pikëzimi, pra nëse këtë duhet t’a bëjë KLP apo Komisioni i Posaçëm në Këshill.

Kreu i KLP-së, Gent Ibrahimi, propozoi që çdo anëtar të votojë duke shpjeguar pikëzimin e tij për çdo kandidat për pozicionin e drejtues për SPAK në një formular pikëzimi pas që do të njihen me platformën konkurruese të secilit.

Në emër të komisionit të posaçëm për ngritjen e SPAK, Sandër Beci, tha se diskutimi për SPAK është bërë pjesë e disa mbledhjeve të komisionit të posacem ku kanë asistuar edhe nderkombëtarët. Sipas tij, thelbi qëndron në faktin se paçka se me ligj kërkohet votimi si akt final duke e parë në mënyrë komplekse, ky votim nuk përjashton vlerësimin për secilin prej kandidatëve për drejtues që do bazohet në meritokraci, profesionalitet dhe kushte të nevojshme për ngritjen në detyrë.

LEXO EDHE  Bilanci i tërmetit/ Në Durrës inspektohen 5171 objekte, 33 janë shembur

Anëtarja e KLP-së, Nurihan Seiti, tha se zgjedhja e drejtuesit e SPAK do të kalojë në Këshill, jo vetëm si vendimarrje e Komisionit Posaçëm në Këshill.

“Na lejoni të kemi hapësirën për të vlerësuar titullarin e SPAK, secili anëtar të vlerësoj në mënyrë transparente kandidatët për këtë pozicion”, tha ajo.

Edhe anëtari Kosta Beluri u shpreh që vlerësimin duhet ta bëjë Këshilli edhe për të siguruar seriozitet dhe transparencë për publikun.

Kjo gjë është mbështetur edhe nga Bujar Sheshi u shpreh se nëse pikëzimi do të bëhet nga Komisioni i Posaçëm që është marrë me gjithë prokurorët, të cilët kanë kandiduar për SPAK është më pak objektiv apo transparent.

Në përfundim, KLP vendosi me 8 vota pro dhe 3 kundër (Sheshi, Dollapaj, Beci) që intervista të konsiderohet një mjet vlerësimi plotësues, por që s’do të jetë pjesë e pikezimit të kandidateve për drejtues të SPAK.

Kjo do të thotë se drejtuesi do të vleresohet me pikë në 7 kriteret të paracaktuara në metologjinë e vlerësimit.