Robert Alia është një nga figurat publike më të spikatura ai shpsh shkakton zhurmë në media me deklaratat e tij thumbuese. Së fundmi ka qenë i ftuar në një intervistë për ABCnews, ai ka treguar se artistë të famshëm dhe politikanë nuk kanë asnjë lloj sensibilizimi për aktualitetin në Shqipëri dhe problematikat në vendin tonë.
“Jeta midis këtyre dy kontrasteve bardhë e zi është e bukur, unë si piktor kam nevojë për realitetin, se Tirana të sjell më këmbë në tokë, nuk ka asnjë aspekt borgjez. Në Tiranë karikohesh me problematika reale dhe unë kam nevojë, se arti duhet të jetë jo vetëm promotor, por edhe shuplakë e realitetit. Vetëm arti mund të flasë me gjuhën e zemrës.
Eksperienca ime personale nuk do ishte tipike me një qytetar të zakonshëm, se unë ndoshta marr shërbim më të mirë, por jam i ndërgjegjshëm për atë që ndodh. Kam sensibilitetin të di se çfarë ndodh me të tjerët, nuk e kam izoluar veten si një idiot që s’ka asnjë lloj sensibiliteti kulturor. Për mua këta janë një kategori e pështirë egoiste, injorantë dhe jashtë kohe, por e kam këtë përbuzje.
Politikanët janë e njëta racë, por po marrin rolin e këtyre. Janë të famshmit e showbizzit. Parlameti shqiptar është showbiz i paparë, seancat i shoh si emisone reality, ku ka me të vërtetë humor. Më shokojnë debatet që ndodhin në panelet e TV shqiptare. Nuk do të thotë kur flet për politikanë, ke debat politik, se nuk elaborohet një debat politik. Ne nuk e orientuam shoqërinë me vlera të traditës tonë.
Probleme ekonomike kanë dhe vende të tjera që kanë interesin e gjithë botës. Ka shumë prapambetje Kuba, por ka pasuri shpirtërore të adhurueshme. Janë njerëz që këndojnë me shpirt, jo me lekë. Nuk e bën varfëria atë gjë. Ne na la mbrapa politika e gabuar, betejat që bëhen. Edhe mediat kanë kontribuar në këtë realitet kaq të dobët sot. Ne këtu bëjmë debate aq imorale, fyerje nga më të rëndat, dhe asnjë përgjegjësi për ato që themi dhe debati politik i ka ç’orientuar njerëzit moralisht dhe fokusin e njerëzve.”– ka thënë Alia.
