Arben Ndoka, ish-deputet i Partisë Socialiste, i cili u detyrua të dorëzojë mandatin në kuadër të ligjit për dekriminalizimin, është marrë zyrtarisht i pandehur nga Prokuroria e Krimeve të Renda, lidhur me atë që njihet si dosja 339, që ka lidhje me abuzimin e pronave në Tale, Shëngjin dhe Rana e Hedhun.
Pjesë e grupit kriminal është dhe ish-deputeti i PS-së në Lezhë, Arben Ndoka dhe disa prej familjarëve të tij, që kanë shërbyer si zyrtarë në Lezhë.
Sikundër raportohet, Ndoka dhe të pandehurit e tjerë janë paraqitur në prokurori për t’ju komunikuar akuza.
Veprat penale që akuzohen janë ‘falsifikimi i dokumenteve’, ‘falsifikimi i vulave, stampave ose i formularëve’, ‘shpërdorimi i tokës’, në kuadër të një grupi kriminal.
Të pandehurit në bashkëpunim me njëri-tjetrin akuzohen se kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetar.
Mes të pandehurve janë edhe Gjevi Ndoka, Erald Osmaci, Bledar Cara, Bled Ndoka, Lule Zeneli dhe disa persona të tjerë.
