Ish-deputeti demokrat Luçiano Boçi ka ironizuar mazhorancën e Kryeministrit Edi Rama, lidhur me paralajmërimet e kësaj të fundit për të ndërmarrë nisma për ndryshime Kushtetuese, pas përplasjeve me Presidentin Ilir Meta, lidhur me plotësimin e vakancave në Gjykatën Kushtetuese.
Boçi shkruan se meqë Rilindja ka pushtetin, ka votat në Parlamentin e komedisë, Kushtetuese nuk ka, atëherë le të ndryshojnë edhe përcaktimet për betimin.
“Një rrugë e dy punë. Bëjeni psh: “Si ushtar i bindur i rilindjes, betohem se do t’i shërbej me ndershmëri e besnikëri korrupsionit, bandave, krimit, serbit, partisë e Ramës”. Është fiks për ju. Dhe bini rehat fare pastaj…Pas kësaj populli feston i lumtur vitin e ri…”, ironizon Boçi.
Postimi nga Luçiano Boçi
Po meqë pushtetin e keni, votat në Parlamentin e Komedisë i keni, Gjykatë Kushtetuese nuk ka, pse mos i ndryshoni përcaktimet kushtetuese për betimin!? Ju kështu keni bërë sa herë që ligji, apo Kushtetuta ju kanë penguar për të realizuar qëllimet e dëshirat e ditës. Jeni që jeni madje, unë ju them të ndryshoni dhe formulën e betimit se kjo e vjetra me Kushtetutë e interes kombëtar që ju nuk e përfillni, sikur nuk iu shkon për shtat.
Një rrugë e dy punë. Bëjeni psh: “Si ushtar i bindur i rilindjes, betohem se do t’i shërbej me ndershmëri e besnikëri korrupsionit, bandave, krimit, serbit, partisë e Ramës”. Është fiks për ju. Dhe bini rehat fare pastaj…Pas kësaj populli feston i lumtur vitin e ri…
