Ish kryetari i Gjykatës së Apelit, Alaudin Malaj, aktualisht gjyqtarë në Apel,flet me tone të ashpra për veprimin që policia e Shteti bëri me vëllain e ish ministrit të Brendshëm Fatmir Xhafaj. Ai thotë se gjithçka është bërë në kundërshtim me ligjin dhe vetëm për të mbrojtur vëllain e Xhafajt. Sipas Malajt, Shteti veproi ndryshe me Agron Xhafaj, nuk e ndaloi në fillim, por e dërgoi brenda natës në Itali.
“Vendimi në kundërshtim me ligjin u çua jashtë shtetit. Ai duhet të vuante dënimin, por ka një procedurë ligjore dhe pse u ndoq një rrugë tjetër. Është arbitraritet i madh. Nuk mund të firmosë vetëm Ministri i Drejtësisë. Fillimisht çdo njeri që duhet të dërgohet jashtë shtetit ndalohet dhe brenda 40 ditëve zbatohen procedurat.
Ne miratojmë ligje dhe vet këta që i miratojnë nuk i zbatojnë. Ai që k shkelur ligjin duhet të mbajë përgjegjësi për shkeljen e ligjit. Unë nuk dua ta di fare se vëllai i kujt është ai që vjen në sallën e gjyqit dhe unë zbatojë ligjin. Pse duhet të shkelet ligji. E vetmja gjë është që ai të shpëtonte. Pyetja e të pandehurit është baza e një procesi penal. Unë problemin më të madh e kam tek zbatimi i ligjit. Sot policia e shtetit nuk bënë detyrën e vet, nuk është e organizuar, sepese nëse ata do të sjellin letrat në gjykatë nuk ka asnjë prokuror e gjyqtarë që do të veprojë ndryshe”.
Jeni i sigurtë për këtë?
“Nuk dua të paragjykojë, por unë nuk dua të mbrojë asnjë gjykatës. Po flasim për pjesën e shëndoshë të gjyqtarëve, ata që e zbatojnë ligjin. Në Gjykatë e Apelit të Tiranës shumica e gjyqtarëve kanë dalë në pension”, u përgjigj Malaj.
